Во Затвор Штип утре право на глас имаат 92 осуденици. Претседателот на Општинската изборна комисија, Виктор Вацев вели дека пристигнат е доверливиот материјал, а утре во 6 часот членовите на Избирачкиот материјал ќе го подигнат од ОИК и во 7 часот ќе го отворат Избирачкото место во Затвор Штип. Деведест и двајца осуденици своето право на глас ќе можат да го искористат до 19 часот. Гласаат осуденици од 23 општини и Град Скопје.
Во текот на утрешниот ден гласаат и болни и изнемоштени лица.
Во Општина Пробиштип за вториот круг на Локалните избори право на глас имаат 12. 251 избирач, а ќе бираат меѓу двајца кандидати за градоначалник, Тони Тоневски од ВМРО – ДПМНЕ и Драган Анастасов од СДСМ.
Во оваа општина утре ќе гласаат и болните и изнемоштени лица. За вториот круг пријавени се 262 болни и немоќни, а во првиот круг гласаа 208 болни и изнемоштени лица.
