До 11.00 часот на 80. Избирачки места во Општина Штип на гласање излегле 4.500 граѓани или 10,89 проценти од вкупниот број на избирачи, вели претседателот на Општинската изборна комисија (ОИК), Виктор Вацев.
-Гласањето се одвива во најдобаред ред, немаме пријавено никакви неправилности од страна на избирачите или од страна на Избирачките одбори. Гласањето на Локалните избори во Штип се одвива во мирна атмосфера, вели Вацев.
Во централното градско подрачје на гласачките места во најголемото општинско училиште „Ванчо Прќе“, имаше зголемена фреквенција од граѓани, кои на неколкуте избирачки места го остваруваат своето граѓанско право на Локалните избори 2025 година.
