Битката за прв човек на Скопје, најпрестижната функција на овие избори, останува да биде борбата со најголемо внимание пред вториот круг. Но, интересна трка се очекува и во Карпош, Центар, Аеродром, како и во Струга, Шуто Оризари, Кичево и Куманово. Во недела втор круг ќе се одржи дури во 33 општини, во кои повеќето владеачката коалиција влегува со водство, со исклучок две-три општини како на пример Центар .
Таму, силите ќе ги одмерат актуелниот градоначалник Горан Герасимовски со Мирослав Лабудовиќ од Движењето ЗНАМ, подржан од ВМРО-ДПМНЕ. Во првиот круг Герасимовски водеше со помалку од 3 илјади гласови, но сепак не се знае кој од двајцата ќе ги добие гласовите и од двете дами кои не обезбедија место во вториот круг.
Интересно ќе биде во Карпош, каде граѓаните ќе одлучуваат дали по четири мандати на актуелниот градоначалник Стевче Јакимовски, сега општината е му ја предададт на кандидатот на ВМРО-ДПМНЕ, Сотир Лукровски. Тој води пред Јакимовски, кој има првостепена пресуда за затворска казна и е на црната лист на САД.
Во Шуто Оризари во вториот круг ќе се соочат актуелниот градоначалник Курто Дудуш од Унија на Роми и Ерџан Демир од ВМРО-ДПМНЕ. Раководењето на Дудуш со општината со години го следат скандали, па и таму жителите можат да дадат шанса да ги води нов човек.
Татко на градот во втор круг ќе бира и најголемата општина во Македонија – Куманово. Таму актуелниот градоначаник Максим Димитриевски бара трета шанса од граѓаните, а ќе си ги одмери силите со независниот Горан Стојковски. Таму во големо водство е Димитриевски со дури 10 илјади гласови.
Во Тетово Билал Касами повторно бара шанса за градоначалничката функција и води по првиот круг пред неговиот противкандидат од интегративците Бајрам Реџепи.
Во Кичево борба има помеѓу актуелниот Фатмир Дехари од ДУИ, кој на товар го има нереализираното во претходните мандидати и кандидатот на ВМРО-ДПМНЕ Александар Јовановски кој може да биде првиот градоначалник од немнозинската заедница во општината.
Струга дефинитвно се отарасува од Рамиз Мерко, и големи се шансите победата да ја однесе незавинсиот кадидат подржан од Вреди и ВМРО-ДПМНЕ, менди Ќура. Сепак, таму уште се води жестока битка со второпласираниот Арсим Далипи од ДУИ.
Голема битка ќе има и во Валандово помеѓу актуелниот Перо Костадинов од СДСМ кој бара трета шанса од граѓаните и Ѓоко Камчев – кандидат на ВМРО –ДПМНЕ кој води со 140 гласови по првиот круг. И во Дојран по втор пат силите ќе си ги одмерат Илија Тентов и Ристо Џинев, откако првиот круг не го помина Милан Мајкиќ од Демократи кој освои само 38 гласови. Од петмина кандадати во Демир Капија, ќе има женско-машки дуел во вториот круг – Наталија Димитриева од ВМРО-ДПМНЕ и Лазар Петров од СДСМ.
Кочани избира помеѓу кандидатот на ВМРО-ДПМНЕ Влатко Грозданов и незавниот Венко Крстевски.
За избор на локални самоуправи втор круг ќе има и во Брвеница, Виница, Неготино,
Дебарца, Зрновци, Конче, Македонска Каменица, Македонски Брод, Могила, Пробиштип, Ранковце, Чешиново-Облешево, Боговиње, Дебар, Долнени, Крушево, Лозово, Росоман, Чучер Сандево,Студеничани,
Изборите се неуспешни во три општини – Центар Жупа, Врапчиште и Маврово Ростуше, каде не излегоа најмалку една третина од бројот на запишаните избирачи во Избирачкиот список.
