Во Куманово, денеска по шести пат пред градскиот базен, спортската сала и на кеј, се одржува еколошката акција „Генералка викенд“. Ученици, претставници од ЈП „Чистота и Зеленило“ и од општината учествуваа на акцијата која се одржува во неколку градови.
Масовната акција е во организација на Одделението за животна средина при Општина Куманово, во соработка со организацијата „Man and mountagne LLC“ од Австрија и со поддршка од ЈП „Чистота и зеленило“, Куманово.
– Давајќи свој придонес за почиста и поздрава животна околина, во најмасовната акција до сега, учествуваа претставници на општинска администрација, на Совет на Општината, над 500 ученици од основни и средни училишта, институции, граѓански здруженија, невладини организации, соопшти кумановскиот градоначалник. Преку грижа за животната средина и заедничка одговорност, целта е да се подигне колективната свест, создавајќи поквалитетен живот за сите, изјави градоначалникот Максим Димитриевски.
Од ЈП „Чистота и Зеленило“ се задоволни од акцијата, чија цел е да се подигне свеста за зачувување на непосредната животна средина.
-Токму младите се оние кои учествуваа во акцијата. И ваквите аквци имаат цел да ја подигнат свеста за чување на непосредната околина. Сметаме дека успешно е реализирана – изјави директорот на претпријатието, Сашо Томиќ.
