Корумпиран систем, нефункционални закони или македонски менталитет? Зошто во државава со врски се завршува буквално се. Од обични шалтерски работи, па се до избегнување на прекршочни, но и затворски казни. Македонија како земја која што одамна чека преговори за да влезе во Европската унија, има закони по европски терк, но за разлика од Европа кај нас многу често вешто се избегнуваат. Експерти предупредуваат дека проблемот е во луѓето и системот. Директорот на Коалицијата „Сите за правично судење“, Дарко Аврамовски во изјава за Алфа реагира дека се е до менталитетот:
Проблемот со македонскиот менталитет и нефункционалноста на законите, социологот Илија Ацевски го лоцира во системот на државата изграден пред многу години. Тој вели дека на граѓаните им е познато дека со луѓе и врски се што сакаат може да добијат. Зошто граѓаните би се воздржувале од прекршоци кога знаат дека можат да избегнат одговорност, прашува Ацевски. Социологот вели дека има решение, со удирање по џебот тие ќе почнат да внимаваат и да почитуваат.
Во однос на македонското правосудство, во последниот извештај на ОБСЕ се посочува дека судовите се полни со случаи во кои одлуките се носат без јасни критериуми и објаснувања. Исто така, судските процеси траат со години, а во многу случаи, кога е во прашање влијателен обвинет, доказите „чудесно“ исчезнуваат, а сведоците се повлекуваат.
Во извештајот на ОБСЕ не изостанува ниту практиката со „нарачани вештачења“ во судските постапки. Стои дека вештачењата го поткопуваат владеењето на правото бидејќи парите и врските можат да ја променат вистината.
Досега видовме безброј примери на случаи каде што обвинети за тешки кривични дела не се приведуваат веднаш, туку им се остава време да ја напуштат државата или да договорат поблаги казни.
Во македонскиот судски систем владејат привилигиите, а не правото, стои во Извештајот. Реалната слика на македонското општество е дека врските и привилигиите се дел од секојнедвниот живот, а тоа ја руши правдата во Македонија.
