Во финална фаза е процесот за избор на четвртиот по ред судија кој ќе ја претставува Македонија во Европскиот суд за човекови права во Стразбур. По интервјуто на 11-те кандидати пред комисијата и пред независни експерти, шанса да ја продолжат постапката имаат само тројца.
Резултатите од интервјуата ќе бидат испратени до експертскиот панел на Советот на Европа, кој пак ги препраќа до комисијата за избор на судии при Парламентарното собрание на Советот на Европа, кое за нашиот судија ќе гласа на јануарската сесија идната година.
Во февруари истекува деветгодишниот мандат на актуелниот македонски судија во Стразбур, Јован Илиевски.
