Во драматичен натпревар Македонија одигра нерешено со Австрија

Македонската ракометна репрезентација одигра нерешено 29:29 со Австрија во првиот натпревар од главната руна на Светското првенство.

За разлика од првиот меч со Унгарија, Македонија овојпат повеќе се радуваше на бодот, кој беше освоен со спектакуларниот гол на Кузмановски во последната секунда.

Најефикасни во македонскиот состав беа Митев со шест и Жарко Пешевски со пет гола.
За два дена Македонија се среќава со Катар, по што следува дуелот со Франција.