Во 2023 година владата предводена од СДСМ извршила измени на правилникот за одгледување канабис за медицински цели, кои се косат со важечкиот закон што ја регулира оваа област, се вели во соопштението од ВМРО-ДПМНЕ.
Со измените во член 2 од правилникот предвидено е канабисот да може да се одгледува и на отворен простор (површина или земјиште), иако во законот и во претходната верзија на правилникот беше утврдено дека одгледувањето за медицински цели се врши исклучиво во затворен простор.
СДСМ и Заев со ваквиот подзаконски акт овозможиле производство на канабис на нива, што отвора сериозни дилеми во однос на исполнувањето на ГМП-стандардите. Доколку не се исполнети овие норми, финалниот производ, маслото од канабис, не би можел да биде соодветно лиценциран, ниту пласиран во промет за потребите на пациентите.
Владата на СДСМ на чело со Заев и Филипче свесно и намерно го сменила правилникот.
Владата на СДСМ намерно го сменила правилникот со оглед на тоа дека претходните политики и јавни заложби на СДСМ, Зоран Заев и Венко Филипче, беа проширување и легализација на пазарот на канабис.
Во 2020 СДСМ на чело со Заев и Филипче имаше иницијатива за поширока легализација на марихуаната, како и на значителното зголемување на бројот на издадени лиценци за медицински канабис, особено во Струмичкиот Регион.
Сомнежите и индициите за злоупотреба на производството на канабис и криминалот со дрогата дополнително се зголемија по заплената на голема количина марихуана од компанија во Ново Село, поврзувана со лице блиски на СДСМ и Заеви.
Зошто Заев и Филипче дозволиле одгледување канабис на отворено спротивно на законот, кои им биле мотивите и колку профитирале?
Дали измените на правилникот се донесени по конкретна насока од Заев и дали со нив се отворил простор за можни злоупотреби и незаконска трговија?
Потребни се ред, одговорност и темелна институционална истрага. Надлежните органи треба целосно да ги испитаат сите наводи и сомнежи.
