Панче Тошковски го суспендираше командирот од Ропотово, Даница Чадиева од СДСM претседател на Второстепена комисија, бивш претседател на СДСM Велес го врати на работа, вели ВМРО-ДПМНЕ во реакција на соопштението на СДСМ.
Панче Тошковски на 16.02.2024 носи решение за суспендирање. Даница Чадиева на 22.04.2024 го враќа на работа со Решение на Второстепена комисија.
МВР постапува по решение на Второстепена комисија која ја води Чадиева од СДС.
Многу се бледи обидите на СДСM, прво поставуваат деликвент на место командир, доаѓа ВМРО-ДПМНЕ го суспендира, потоа нивен кадар го спасува, а тие вперуваат прст кон ВМРО-ДПМНЕ. Зарем во СДСM мислат дека народот нема поимање од ништо? Зарем толку го потценуваат народот и мислат дека вакви евтини конструкции ќе поминат во етер како вистина?
