Колку ли злоба и неискреност има во СДСМ, кои дрско се обидуваат да кажат дека има некакви бизниси со водата што Владата бесплатно ја дели на гостиварчани. Талогот во СДСМ мислел што да искреира, каква лага да лиферува, па измислил дека Владата прави бизнис со компанијата „Кожувчанка“. Но, вистината е дека
Владата на тендер ја избира компанијата која, по двојно поевтина цена од пазарната, од само 12,5 денари за литар и пол вода, ѝ ја продава на Владата, што е одлука поради нејзината определба да биде општествено одговорна и да не заработува од кризата во Гостивар, се вели во реакцијата од ВМРО-ДПМНЕ на денешната прес-конференција на Симона Цветановски, членка на Извршниот одбор на СДСМ.
Очигледно само на валкан профит мисли талогот од СДСМ и се обиде да направи скандал таму каде што е чисто како солза.
Ова е тоа мочуриште од кое произлезе предавничкиот талог од СДСМ, поради што ја нема довербата од граѓаните.
