Во 2020 година СДСМ Шукова и Заев во предизборната кампања ветуваа решавање на проблемот со депонијата Вардариште. Тоа ветување беше официјално запишано и во нивната програма насловена „Можеме’’ за парламентарните избори во 2020 година на стрaна 228 каде што стои „Ќе помогнеме за итна ремидијација на поголем дел од дивите депонии, со приоритет на депонијата во Вардариште како и расчистување и рекултивација на локации со несоодветно отстранет отпад во урбаните и руралните подрачја.’’ Ова е уште едно лажно предизборно ветување на СДСМ и Шукова, се вели во соопштението од ВМРО-ДПМНЕ.
Истата таа програма на СДСМ го наведува и износот од 42 милиони евра како финансиско портфолио за реализација на проектот.
Каде завршија тие 42 милиони евра?
Зошто СДСМ, Шукова четири години го влечеа истиот проблем без никаква реализација?
Зошто ги лажеа граѓаните на Скопје дека ќе го решат проблемот со Вардариште?
Како Шукова и СДСМ имаат доблест повторно истото да го ветуваат пред граѓаните, овој пат Шукова само од позиција како кандидат за градоначалник на Скопје?
Ова е класичен пример на манипулација и лажење на јавноста. Ова е доказ дека СДСМ многу ветува а ништо не исполнува.
СДСМ да не го потценува народот, СДСМ треба да знае дека 2 пати истите лаги не поминуваат, граѓаните знаат кој работи за нивно добро.
ВМРО-ДПМНЕ има програма и план за решавање на проблемите на граѓаните, почиста животна средина, почист воздух и поквалитетен живот за сите граѓани.
