Директорот на Центарот за истражување и анализи на СДСМ, Јон Фрчкоски, објави дека се повлекува од функцијата во партијата, по фотографиите што беа објавени на социјалните мрежи, на кои се гледа бела прашкаста материја пред него. Од ВМРО-ДПМНЕ вчера го повикаа Јон Фрчкоски да направи јавен нарко тест за утврдување на психотропни супстанци, а денеска потсетуваат дека тој не е единствениот кој бил фатен во афера. Потсетуваат дека втората нарко афера во оваа партија беше со водачот на Шарената револуција и нивен пратеник, Павле Богоевски.
„Тоа беше афера каде на снимка, чија автентичност Богоевски ја потврди, се гледаше како нарачува психотропна наркотична супстанца. Не е доволно Јон Фрчкоски да си поднесе оставка од измислена партиска функција. Системот треба да функционира и надлежните органи да го повикаат на распит,“ велат од ВМРО-ДПМНЕ.
