Во Скопје секојдевно блуат невистини и лажни вести за Кочани. Полни со некрофилија и негативности, како и дезинформации кои директно им помагаат на оние кои не сакаат правда. Иако тие ни збор не кажуваат за модуларната болница, а како ѓавол од темјан бегаат за одговорност на Венко Филипче за овој случај. И додека конструираат и лажат нивниот советник и функционер Аки Акиов дели тупаници на кочанчани и се заканува, реагираат од ВМРО-ДПМНЕ на соопштение на СДСМ.
ВМРО-ДПМНЕ силно го осудува насилието кое денес го демонстрираше кочанскиот функционер на СДСM. Овој советник може да се види во прегратките на Венко Филипче и на заеднички фотографии со него. Бараме СДСM и Венко Филипче да се оградат од неговото однесување и истиот да си поднесе оставка од член на Советот на Кочани. Ова е срамно и дрско однесување. СДСM е сол на раните на кочанчани и бескруполозно ги злоупотребува нивните судбини, стои во реакцијата на ВМРО-ДПМНЕ.
