Бугарските јасни пораки дека уставни измени нема да бидат последниот услов за почеток на преговорите на Македонија со Европската унија, СДСМ како да не ги гледа.
Или едноставно одлучиле да останат на линијата замајување на јавноста. ВМРО ДПМНЕ потсетува на неодамнешната изјава на министерот за надворешни работи на Бугарија, кој излезе и кажа дека уставните измени не се последното нивно барање, туку дека ќе има и други.
„Знаејќи го ова СДС, ги бранат бугарските позиции кои се од најголема штетност за македонскиот народ, само за да им се допаднат на бугарите. Во немањето решение и излез од ситуацијата, СДС само се понижуваше себеси и Македонија како држава. Велеа дека Гоце Делчев е бугарин, а македонскиот јазик, бугарски. Затоа, граѓаните ги казнија и јасно им порачаа дека не треба тие да им ја водат државата во бездна. ВМРО-ДПМНЕ гордо и достоинствено ја претставува Македонија на меѓународно поле!“ – се вели во реакцијата од владејачката партија.
