Толку од скромноста и левичарството на Апасиев и Левица, од левичари до могули со кафе барови преку ноќ. И Апасиев и Левица се демаскирани. Се откриваат нови детали околу деловниот простор од над 400 м² на Левица во центарот на Скопје, и вистината полека излегува на виделина, објавија од ВМРО ДПМНЕ.
Тезите дека Левица купила подрум се неосновани и претставуваат манипулација со членството на партијата, но и со граѓаните воопшто, изјави Валентин Манасиевски, член на Централниот комитет на ВМРО-ДПМНЕ. „Фотографиите кои ги видовме од деловниот објект јасно покажуваат дека не се работи само за подрум, туку и за високо приземје.
Интересно е што во овој објект на Левица пред нецели два месеци е отворена фирма и кафе бар, а сопственик на истиот е членот на Централниот комитет на Левица, Зоран Ивановски, кој истовремено е и член на Управниот одбор на ЈП Водовод и канализација. Ова е извадок од актуелна состојба кој покажува дека адресата на фирмата на Ивановски се наоѓа во дуќанот на Левица“, истакна Манасиевски.
Ивановски често може да се види и во друштво на Димитар Апасиев. Толку од скромноста и левичарството на Апасиев и Левица, од левичари до могули со кафе барови преку ноќ. И Апасиев и Левица се демаскирани, заврши Манасиевски.
