ВМРО-ДПМНЕ продолжува да бара одговори за златните визи во Дубаи на Зоран Заев и Венко Филипче. Владејачката партија предупредува дека јавноста и граѓаните заслужуваат одговори, а не изговори или молк.
„СДСМ, Филипче и Заев се синоним за криминал, неспособност и предавства. Наместо празни зборови и небулозни соопштенија, СДСМ треба да ги охрабри Заев и Филипче да одговорат на едно едноставно прашање – да кажат дали поседуваат златни визи за Дубаи и колку милиони им се трансакциите во Дубаи? Од каде им се милионските трансакции кон Дубаи и на кој начин ги стекнале тие средства? Дали се тоа провизии од зделки и тендери во четири очи?“
Од ВМРО-ДПМНЕ го повикуваат и Венко Филипче, за кого сметаат дека му ја чува фотелјата на Заев додека тој гради згради во Дубаи, наместо да глуми загрижен за социјалдемократските вредности, да им каже на сопартијците и граѓаните дали поседува златна виза и дали има луксузен стан во Дубаи.
