Во СДСМ ништо не се менува, Филипче е продолжение на Заев и на истата капитулантската матрица во СДСМ која со години ја понижува Мaкедонија и дава простор на официјална Софија да продолжи со негирањето на македонскиот јазик и историја.
Филипче и СДСМ немаат против да бидеме „северномакедонци’’. За Филипче и СДСМ не е проблем да ја туркаат тезата дека Македонија мора да прифаќа секакви условувања за да добие европска перспектива.
За Филипче и СДСМ не е проблем народот да биде нарекуван „северномакедонски“, ниту пак имаат проблем со бришењето на националните обележја, само за да добијат по некој аплауз од надвор и да дојдат до власт.
СДСМ со години лажеа дека секоја нова отстапка на Мaкедонија е „последниот чекор“ кон Европската Унија. Прво беше промената на знамето. Потоа промената на Уставот. Па промената на името. Денес СДСМ и Филипче повторно бараат нови уставни измени и повторно убедуваат дека тоа е „последната пречка“.
Граѓаните гледаат и знаат дека секоја отстапка раѓа нова уцена, а секое попуштање отвора нов удар врз македонскиот идентитет.
Сите досегашни отстапки кои државата ги има направено се од СДСМ, само поради лични лукративни цели на тесен круг од СДСМ.
Македонскиот народ нема да дозволи нови понижувања, нови бланко договори и ново распродавање на идентитетот. Државните и националните интереси мора да бидат над политичките калкулации на СДСМ и нивното криминално наследство.
Македонија заслужува лидери кои ќе ја бранат државата, а не политичари кои за власт и личен спас се подготвени да ја турнат во амбис.
