Влен: 200 нови работни места преку зелени инвестиции

Коалициониот партнер на ВМРО-ДПМНЕ во власта, Влен, објави дека преку Министерството за економија и труд и во соработка со Агенцијата за вработување, се воведува, како што ја нарекоа, историска мерка: поддршка за создавање нови работни места преку зелени инвестиции. Од Влен велат дека ова не е само уште една програма, туку ќе опфати 200 невработени граѓани, кои ќе најдат работа во микро, мали и средни претпријатија, односно токму таму каде што расте новата генерација на нашата економија.