Владата нема да прави насилно промени во измените на регулативата за медиумско претставување на партиите на избори

Да се земат во предвид препораките на ОБСЕ и ОДИХР и сите чинители и политички партии да бидат вклучени во процесот на измените на регулативата за медиумско претставување во изборите. Министерот за дигитализација Андновски, на денешната средба со новинарите во рамки на проектот „Пари, медиуми, избори“, рече дека за разлика од претходниот изборен закон, во кој не беа вклучени сите политички чинители, оваа Влада нема насилно да прави промени во изборниот законик, особено не на шест месеци пред локалните избори.