Владата ќе го прифати секој договор помеѓу синдикатите и работодавачите, во моментот кога тој ќе биде постигнат во рамки на економско-социјалниот дијалог. Ова е ставот на Владата откако премиерот Христијан Мицкоски вчера ги повика на средба сите синдикати, на која се разговарало за колективните договори и минималната плата. Од Владата велат дека во врска со зголемувањето на минималната плата ставот е јасен и поврзан со закон.
„Именно, согласно закон, Владата е обврзана да го определи нивото на минималната плата најдоцна до 31 март. Владата ќе го прифати секој договор помеѓу синдикатите и работодавачите, во моментот кога тој ќе биде постигнат во рамките на економско-социјалниот дијалог. Владата останува партнер на работниците и работодавачите и подготвена е на дијалог во секој момент кога тоа ќе биде побарано од страна на страните во процесот“, соопштено е од Владата.
