Секое користење е евидентирано, документирано и предмет на институционална контрола. Ниту една активност не е надвор од утврдените процедури, ниту постои каква било форма на злоупотреба.
Владата излезе со остар демант околу користењето на владиниот авион. Велат дека авионот е користен исклучиво во согласност со прописите и актите за негово користење, согласно правилникот за условите и начинот на користење на истиот. Ја обвинуваат опозицијата дека шири хипокризија и сензационализам.
„Денешните обиди за морализирање од страна на едни актери претставуваат класичен пример на политичка хипокризија. Кога беа на власт, ги уриваа стандардите на отчетност, ги злоупотребуваа службените ресурси до максимум, а никогаш не иницираа суштински реформи. Напротив, токму во нивниот период на владеење, јавноста беше сведок на безброј злоупотреби“, се вели во соопштението од владата.
