Првиот заменик-претседател на Владата и министер за европски прашања, Беким Сали, остварил средба со делегација на инвеститори од Турција, од регионите на Истанбул, Анкара и Измир, кои доаѓаат од значајни сектори како енергетика, медицина, дигитализација, градежништво и земјоделство.
На средбата, како што соопшти Кабинетот на Сали, се разговарало за конкретни можности за инвестиции во земјата, како и за унапредување на економската соработка меѓу двете држави. Била нагласена важноста од создавање поволна деловна клима и обезбедување институционална поддршка за странските инвеститори.
Сали истакнал дека Македонија останува посветена на привлекување квалитетни инвестиции и на одржлив економски развој, нудејќи поволни услови за долгорочни и заемно корисни партнерства.
