Вевчанец, вработен во ЈП „Национални шуми“, им издавал испратници за непостоечка сеча на неколку лица и ја оштетил државата за над 500.000 денари, информира МВР.
Надворешната канцеларија за криминалистички работи Струга поднесе кривична пријава против 58-годишниот службеник поради сомнение за злоупотреба на службена положба и овластување.
Со неговите постапки на ЈП „Национални шуми“ ѝ била нанесена штета во висина од 506.850 денари.
Од МВР додаваат дека и натаму ќе ги следат состојбите во претпријатието и ќе преземаат мерки против сите кои ја злоупотребуваат службената должност и нанесуваат материјална штета врз државата.
