Наголемо се шпекулира дека Заеви веќе ги преселиле главните бизниси во Дубаи и дека Зоран Заев наскоро би можел да стане и жител на најголемиот бизнис центар на Блискиот Исток. Но, дали тоа значи дека Филипче редовно ќе оди на консултации и на журки во Дубаи?
На социјалните мрежи доцна синоќа осамна видео, на кое се гледаат актуелниот претседател на СДСМ Венко Филипче и поранешниот лидер Зоран Заев на забава која неодоливо потсетува на гранде журката на познатиот пејач Харис Џинови во ексклузивниот хотел „Хилтон“ во Дубаи на 25 и 26 октомври октомври годинава.
Видеото го споделија и новинарот Драган Павловиќ Латас и порталот Вечер.
„Станува збор за приватна посета и нема да коментираме приватни посети“.
Ова го одговори портпаролката на опозициската СДСМ, Богданка Кузеска, откако ја прашавме во какво својство партискиот лидер Венко Филипче патувал во Дубаи, дали патувал сам или бил придружуван од некого, кој ги платил трошоците за патувањето и дали тој со поранешниот партиски лидер и премиер Зоран Заев водел разговори од значење за партијата или за државата.
На денешната прес-конференција на Филипче во Собранието, тој кратко одговори дека станува збор за приватна работа.
– Апсолутно не сакам да коментирам работи од мојот приватен живот – рече Филипче.
