Велика Британија ќе ја признае палестинската држава овој викенд

Велика Британија официјално ќе ја признае Палестинската држава во текот на викендот, по завршувањето на посетата на американскиот претседател Доналд Трамп, кој се спротивставува на таквата одлука, објави британскиот весник „Тајмс“. Премиерот Стармер предупреди во јули дека ќе преземе мерки доколку Израел не го ублажи страдањето на населението во Појасот Газа и не постигне договор за прекин на огнот по речиси двегодишната војна со Хамас. Во јули, американскиот претседател изјави дека нема ништо против Лондон да преземе таков потег, но подоцна САД јасно ставија до знаење дека се спротивставуваат на таквите акции на своите европски сојузници.