Според последните мерења на ЕСМ, нивото на Охридското Eзеро денес изнесува 693.33 метри надморска височина што е на 23 сантиметри до минимално дозволената кота и е под посекот за овој период од годината. Долготрајните сушни периоди, потоа топлите зими придонесуваат и за поголемо испарување на езерото, што е уште една причина за губењето на вода од нашето езеро.
“Ситуацијата со Охридското езеро се повторува веќе неколку години во истиов период тоа е под просекот на нивото за овој период на годинава за разлика од пероди од пред неколку децении.Тоа се должи пред се на намалената количина на врнежи пример во јануари и фебруари наврнале само 28 милимети дожд што е многу мала количина за зимски перид ”-вели Ѓоко Зороски,инженер по животна средина
Намалување на само еден сантиметар од нивото, значи губење на 3,5 милиони кубни метри од Охридското Езеро, кое е најголемиот природен басен со питка вода во овој дел на Европа.
“Крајно време е да почнеме да ги градиме тие акумулациски хидроцентрали дали ќе бидат тие под Црна река т.н проект Чебрен со 4 или 5 каскадни централи,но исто и вардарска долина стои како иден елемент за решавање каде што со изградба на брани водата што тече се користи како проточна и произведува електрична енергија.За сето тоа треба ниет и нормално треба пари” -вели проф. Константин Димитров
Големи површини од езерското дно остануваа суви, предизвикувајќи изумирање на многу ендемични растителни и животински видови.
Изјава Орхидеја Тасеска-дир на Хидробиолошки Институт: Сите тие индуцирани осцилации на нивото на водата од Охридското езеро потпомогнати со ред други причини како што е забрзана еутофикација, деградација на живеалишта, узурпација некотролирана на брегот на езерото, предизвикува нереверзибилни последици врз живиот свет во истото.
Водиме сметка за минималната кота која изнесува 693.10 м.н.в и нема да дозволиме таа да се надмине. Токму поради сушниот период, подолго време, испустот на вода од Охридско Езеро на вливот на реката Црн Дрим е на ниско ниво. Во моментов, од испустот истекуваат само 5 кубни метри во секунда, што е количина исклучиво за обезбедување на потребниот биолошки минимум“, велат од ЕСМ.
Новинар Росица Голабоска
Снимател,монтажа Златко Маневски
