Јон Фрчкоски не приложи ниту еден конкретен доказ, ниту еден официјален документ, ниту една институционална одлука што потврдува наводно незаконско работење на ТВ Алфа. Ја користи познатата техника на политичка инсинуација и спинување. Поврзува имиња, држави и настани без докажлива причинско-последична врска.
Сопственичката структура на Алфа телевизија е јасна, јавна и целосно транспарентна.
Според јавно достапните податоци, сопственик на телевизијата е „Алфа Скоп ДОО“, во која удел имаат ЦХС – Инвест груп, како и Европа АД Скопје и Макошпед АД Скопје. Овие информации се официјални, проверливи и достапни во надлежните регистри.
Дополнително, факт е дека додека СДСМ беше на власт, ТВ Алфа речиси секој ден беше предмет на институционални проверки и инспекциски контроли. Сите завршија без утврдени неправилности. Ниту една институција не констатираше незаконско работење. Тоа е документиран факт.
Со ова ТВ Алфа ја затвора темата и нема повеќе да одговара на неоснованите напади и квалификации. Нема да дозволиме да нè вовлечете во вашата кал и да се занимаваме самите со себе.
И за крај, за кредибилитетот на господинот Јон Фрчкоски, доволно говори едно видео објавено на социјалните мрежи пред неколку месеци, во чија содржина нема да навлегуваме затоа што, и покрај сè, ние како медиум ќе го одржиме нивото на јавен говор.
