Унгарските пратеници го усвоија 15-тиот амандман на Уставот со кој се ограничува правото на „ел-џи-би-ти“ групите да одржуваат јавни настани, при тоа признавајќи само два пола: машки и женски. Амандманот беше усвоен со 140 гласови „за“ и 21 „против“. Како резултат на гласањето, Уставот сега пропишува дека едно лице може да се идентификува само како машко или женско. Според унгарскиот закон, маршот на гордоста, кој се одржува секоја година во Будимпешта повеќе од 30 години, сега може да биде забранет.
