Ученици од СОУ „Гоце Делчев“ од Куманово денеска ќе учествуваат на едукативниот настан „Имам став!“ во Собранието на Република Северна Македонија.
Собраниската прес-служба соопшти дека настанот претставува симулација на процесот на разгледување предлог-закон во Парламентот.
-Целта е приближување на работата на Собранието и процесот на донесување закони до младата популација, што ќе придонесе за развивање на нивната свест за демократијата и ќе ги поттикне и подготви за општествена и политичка критичност и вклученост, се наведува во соопштението.
