Уапсен е осомничениот за убиството на познатиот конзервативен политички коментатор и активист Чарли Кирк. Тој беше смртно застрелан на јавен настан во кампусот на Универзитетот во Јута Вали, пред два дена.
Полицијата соопшти дека во притвор се наоѓа 22-годишниот Тајлер Робинсон од Јута, кој се сомничи дека пукал со пушка додека Кирк држел говор под шатор во рамки на универзитетски настан.
Апсењето било извршено по дојава од член на семејството на осомничениот, а оружјето е веќе пронајдено и запленето.
Федералното истражно биро, исто така, се вклучи во истрагата, а гувернерот на Јута, Спенсер Кокс, потврди дека осомничениот е уапсен, додавајќи: „Го фативме.“
