Венко Филипче денес зборува дека земјоделието е во лоша состојба, но токму во периодот кога тој беше дел од владата на СДСM земјоделците излегуваа на протести поради катастрофалните политики на власта. Каква забеганост.
Човекот тоне во сопствената немоќ, партијата му се распаѓа, рејтингот му е еднаков на статистичка грешка, а тој упорно зборува за тема за која повеќе од очигледно не ја разбира, се вели во соопштението на ВМРО-ДПМНЕ, од реакцијата на министерот за земјоделство, шумарство и водостопанство Цветан Трипуновски на Фејсбук на денешното соопштение на СДСМ.
На толку криминални тендери, на толку украдени пари, Венко Филипче денеска лажно глуми загриженост за земјоделците, како наводно состојбата била лоша.
Седум години СДСM не мрдна со прст за земјоделците. Ги игнорираа и понижуваа земјоделците и затоа денеска се таму каде што се, со едвај 15 пратеници во Парламентот.
Мој совет по втор пат до Венко Филипче е тој што му го води пи-арот веднаш да го откаже, зошто се повеќе сум сигурен дека некој од внатре го мести. Понекогаш молчењето е подобра стратегија, особено кога фактите не се на негова страна.
Нека се држи до турбо фолкот и нека го следи и пее Харис Џиновиќ. Во продолжение му го испраќам видеото од протестот кој се одржа (26.10.2019) пред Владата на Македонија, во време кога земјоделието беше во колапс поради неуспешните и катастрофални политики кои ги спроведуваше токму СДСM на која денеска Венко Филипче е претседател.
