Три лица повредени во пожар во Албанија, повеќе од 2.000 луѓе се евакуирани

Пожари и во соседна Албанија. Тројца луѓе завршија со изгореници, изјави заменик-градоначалничката на Делвина.

Во пожарот во областа, шест села се евакуирани, а огнот уништил црква и 11 куќи.

„Пламените јазици, разгорени од силниот ветер, зафатија 11 куќи и црквата ‘Свети Димитрија’, изградена пред два века – споменик на културата од прва класа“, објави Топ Ченел.

Во последното деноноќие, на територијата на Албанија регистрирани се 45 пожари.