Американскиот претседател Доналд Трамп потпиша уредба со која двојно се зголемуваат царините за увоз на железо и алуминиум, кои сега достигнуваат 50%. Новите тарифи стапуваат на сила веднаш и се однесуваат на поголемиот дел од американскиот увоз на овие суровини.
Трамп изјави дека со овој потег испраќа порака до трговските партнери на САД – да ги достават своите „најдобри понуди“ ако сакаат да избегнат дополнителни тарифи за останати производи, кои би можеле да стапат на сила на почетокот на јули.
Од новите мерки е изземена само Велика Британија, која досега има постигнато привремен трговски договор со САД. Тарифите се дел од поширока стратегија на Белата куќа за заштита на домашната индустрија и редефинирање на глобалните трговски односи.
