Американскиот претседател Доналд Трамп рече дека е разочаран од телефонскиот разговор со рускиот претседател Владимир Путин, бидејќи, како што посочи, се чини дека тој не сака да ја запре војната во Украина.
„Многу сум разочаран од разговорот што го имав со претседателот Путин… Не мислам дека сака да престане со војната, а тоа е лошо“, рече Трамп.
Тој додаде дека не е постигнат никаков напредок во разговорите.
Трамп дополнително најави дека, по разговорот со рускиот претседател, денеска ќе разговара и со претседателот на Украина, Володимир Зеленски.
Во текот на вчерашниот телефонски разговор Трамп – Путин, Кремљ пренесе дека рускиот претседател му рекол на Трамп дека Москва е подготвена да ги продолжи преговорите со Украина, но дека нема да се откаже од своите првични цели.
