Американскиот претседател Доналд Трамп најави дека може да ја ослободи автомобилската индустрија од тарифите за да им даде време на производителите да ги прилагодат синџирите на снабдување.
„Размислувам да им помогнам на некои автомобилски компании. Им треба малку време бидејќи ќе произведуваат овде, но мораат да преселат капацитети од Канада, Мексико и други места,“ рече Трамп.
Многу експерти од автомобилската индустрија велат дека не е лесно да се заобиколи поскапувањето на американските автомобили, бидејќи дури и оние што се склопуваат во САД користат увезени делови.
