Партијата за движење на Турците – ТХП вчера во Скопје организираше традиционална ифтарска вечера по повод месецот Рамазан, се вели во соопштението од ТХП.
На настанот присуствуваа претставници на коалициските партнери, истакнати личности на турската заедница, како и претставници од областа на уметноста, образованието, медиумите и граѓанските организации.
Ифтарската вечера помина во духот на солидарност, меѓусебна почит и заедништво, при што беше нагласена важноста од дијалог, соработка и негување на заедничките општествени вредности.
Партијата за движење на Турците – ТХП останува посветена на унапредување на меѓуетничката соработка и општествената кохезија во Македонија.
