Се размислува за заострување на казните за нелегалалната трговија и употреба на пиротехника со оглед на тоа што и оваа Нова година помина со енормно пукање на петарди и повредени граѓани. Миистерот за ватрешни Панче Тошковски е убеден дека потребни се поригорозни санкции и подигнување на јавната свест за употребата на пиротехника се со цел да се намали нивната употреба за време на празниците и граѓаните да се заштитат од повреди. За новогодишната ноќ на клиниките примени се седуммина, од кои пет деца и двајца мажи над возраст о д над 50 години. Едниот од нив на внуката и демонстрирал како се пука петарда, а другиот за да го заштити детето, од раце му го земал пиротехничкото средство. Двајцата завршиле на пластична хирургија каде им биле остранети врвовите на прстите. И покрај превентивната кампања на двете министерства, МВР и здравство, дошло до инциденти и затоа министерот Тошковски смета дека се потребни построги казни.
Министерот за здравство Азир Алиу, упати апел до граѓаните да не се користат овие средства за преостанатиот дел од празниците, бидејќи, како што рече петардите не се играчка, нивното користење е забрането и може да предизвика сериозни повреди.
За разлика од лани, оваа година запленета на пиротехнички средства е зголемена дури за девет пати. Во 2025, запленети се 250 илјади парчиња пиротехнички средства, а лишени од слобода се 37 луѓе. Полицаец од СВР Велес заработил кривична пријава за нелегална трговија на пиротехнички средства, информираше Тошковски. Станува збор за запленети неверојатни 25 тони пиротехника, а според првичнеите информации од истрагата, полицаецот учествувал во внесувањето и транспортот на пиротехниката во земјава.
Во однос на усмртеното двегодишно дете што настрада вечерта на Нова година, истрагата покажала дека трагедијата е настаната поради залутан куршум . Министерот Тошковски рече дека истрагата е сеуште во тек и се трага по сторителот. Во однос на обвнувањата на семејството за полициска бруталност, министерот појасни дека според информациите на Секторот за внатрешна контрола, полицајците постапиле согласно пријавата од вработените во Градска болница, за нарушување на јавен ред и мир од страна на семејството за загинатото дете.
