Директорот на СОЗР, Ивица Томовски, изјави дека Министерството за внатрешни работи (МВР) под раководство на Панче Тошковски ја покажува разликата во примената на законот, посочувајќи дека законот е ист за сите, без разлика на политичката припадност или позицијата. Според него, досега се под истрага повеќе од 40 лица, вклучувајќи актуелни и поранешни министри, директори и други високи функционери.
„Ова е гаранција дека ништо нема да биде како до сега. МВР и Тошковски покажуваат разлика, и законот се применува еднакво за сите“, изјави Томовски.
Тој исто така нагласи дека Тошковски е министер кој ги отворил вратите за сите граѓани кои имаат проблеми, што не се случувало во минатото. Според неговите зборови, опозицијата реагира со страв бидејќи не можат да се носат со одговорноста за своите дејства.
„Тие што се против ова, нормално е да се бојат. Не е омраза кон Панче, туку страв од сопствената одговорност“, додаде Томовски.
На крајот, директорот на СОЗР му порача на Тошковски: „Имаш доверба и одговорност да одиш до крај“.
