Тензично, но мирно е во Источно Сараево по обидот за апсење на Милорад Додик од припадниците на Државната агенција за истрага и заштита.
Специјални сили на МВР на Република Српска, опремени со долги цевки, ја обезбедуваат зградата на Владата на Република Српска. Според Судот на Босна и Херцеговина, Милорад Додик, заедно со Ненад Стевандиќ и Радован Вишковиќ, се осомничени за напад на уставниот поредок на БиХ.
СИПА дејствуваше по судска наредба, но беше спречена од МВР на Република Српска. Сè уште не е потврдено дали Додик се наоѓа во зградата или е евакуиран.
