Телото на починатиот папа Франциск е пренесено во базиликата „Свети Петар“ во Ватикан од папската резиденција „Света Марта“.
Базиликата ќе остане отворена до полноќ во деновите на поклонувањето, на кое се претпоставува дека ќе дојдат десетици илјади луѓе. Верниците во следните три дена ќе можат да се простат од починатиот поглавар на Католичката црква.
Погребот на папата Франциск ќе се одржи во сабота во 10 часот по локално време, а се очекува да присуствуваат голем број светски лидери.
За погребот на папата Франциск се очекува на плоштадот Свети Петар во Ватикан да присуствуваат над 200.000 луѓе, а во Рим се очекува да пристигнат најмалку 100 странски делегации.
Осумдесет и осумгодишниот Франциск, чије родено име е Хорхе Марио Берголио, почина на 21 април.
