Министерот за надворешни работи и надворешна трговија Тимчо Муцунски денеска остварил телефонски разговор со министерката за Европа и надворешни работи на Република Албанија, Елиса Спиропали.
Како што стои во објвата на фб профилот на министерот Муцунски, со Спиропали заеднички изразиле задоволство од одличната билатерална соработка и ја потврдиле подготвеноста за нејзино понатамошно унапредување во сите области од заеднички интерес.
Во таа насока, Муцунски посочува дека ѝ упатил покана на министерката Спиропали за билатерална посета на која ќе бидат разгледани конкретни иницијативи за продлабочување на соработката.
