Во свет каде што зборовите не се доволни постојат деца кои што говорат на еден поинаков јазик. Јазик кој што е полн со емоции гестови и искреност. На одбележувањето на 2 април светскиот ден на аутизмот се погласен е апелот за прифаќањето на нивната различност, и не да се менува туку да се прифати. Претседателот на Македонското научно здружение за аутизам Проф. Др Владимир Трајковски вели дека поддршката на лицата со аутизам во Македонија покажува одреден напредок во последниве години но не е доволно рамномерен и недоволен за реалните потреби.
„Тие не бараат привилегии, тие бараат еднакви можности за образование, вработување и достоен живот. Најголем проблем всушност не претставува самиот аутизам туку системот, доцната дијагноза, недотигот на рана интервенција и ограничен пристап до стручни услуги. Но многу семејства се оставени сами на себе да се снаоѓаат без доволна институционална поддршка – истакна проф. Др. Владимир Трајковски- претседател на МНЗА
За родителите е најважна поддршката , трпението, љубовта за овие деца да можат да постихнат многу повеќе отколку што можеме да очекуваме.
„Во претходните години додека јас го издигнував своето дете и работев со него, не беше толку актуелна темата за аутизам и немаше толку настани за кои што јас и прашував дали има некаде и дали можам да се вклучам. Не јас бев надвор од Македонија но кога се вратив почнав да се активирам и видов дека има промени од тогаш до сега има промени“- вели Амела Мемиш Апостоловска родител на дете со аутизам.
Во Македонија според ИЈЗ се регистрирани околу 1.000 до 1.500 деца со официјална дијагноза (Ф84.0), но се претпоставува дека реалната бројка е значително повисока, со оглед на тоа што многу случаи остануваат недијагностицирани или се водат под други категории на пречки во развојот. Најголемиот број новодијагностицирани се во Скопје, каде и пристапот до дијагностички центри, како Заводот за ментално здравје „Младост“ и Клиниката за детски болести е најголем.
