Струга влегува во институционален ќорсокак ,политичките несогласувања го парализираат градскиот Совет кој и после два месеци од конститурањето, не може да избере претседател. Пропадна и третиот обид ,кризата во советот ја кочи и работата на општината. Доколку до месец март идната година не се избере претседател на Совет, стружани повторни ќе одат на избори за нов советнички состав.
“Ние практично не постоиме,не сме формирани онака како што треба.Пропадна и денеска можноста да се исполни долгот кон граѓаните и да се формира советот и конечно да почнеме да работиме.Нечии хирови и лични интереси се ставаат пред должноста што ја имаат пред секој еден гласач што ги избрал. Точно е, оваа криза може да заврши и со повторни избори за советници во Советот на општина Струга” –вели Коста Хјохи,советник од ВМРО ДПМНЕ
Но, не секому оди во прилог да има нови избори за советници.Оние од Национална алијанса за интеграција ја напуштија седницата.
“Граѓаните го дадоа својот глас за овој состав на општина Струга така да останува на советниците најодговорно да седнат и транспарентно ја да решат оваа работа.Ние не сме повикани на никакви разговори за ова прашање”-вели Фатон Положани ,советник од НАИ
Случајно или не, на вонредната седница иницирана од градоначаникот Ќира, не се појавија тројцата советници на Рамиз Мерко и единствениот советник од СДСМ.
“Се виде дека советниците на НАИ и советникот на СДСМ беа претходно договорени да ја напуштат седницата без никаква причина, само заради тоа да нема кворум”-вели Нафи Јонузи-советник од Вреди
Советникот од СДСМ се огласи преку фејсбук бранејќи го своето отсуство со образложение дека не се носеле одлуки од суштинско значење за развојот на општината и за подобрување на секојдневниот живот на граѓаните, туку се одлучувало за меѓупартиски прашања и распределба на функции на локално ниво.
Заборавајќи при тоа дека се додека не се избере претседател,не можат да се носат легитимни одлуки во прв ред усвојување на буџетот,од кој дирекно зависи функционирањето на општината.
