Реклама

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Алта банка официјално на продажба- прва јавна аукција по принципот „се или ништо“ на 30-ти ноември

Играње по бугарски ноти: Сметката за бегството стигна за наплата – Ива Михаилова претворена во медиумска алатка на Софија

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Македонија

Стотици илјади евра од СЈО отишле и кај државни функционери и луѓе од СДСМ

СЈО златна кокошка за функционерите од власта. Покрај обвинителите, се офајдиле и…

Сподели:
Фото: Алфа Вести

СЈО златна кокошка за функционерите од власта. Покрај обвинителите, се офајдиле и хонорарци, кои во исто време биле и директори во државните институции.

Речиси 40.000 евра на име хонорар од СЈО земал командантот на „Алфите“ Примислав Димовски. Во периодот од мај 2016 до август 2019-та година на сметката на Димовски биле извршени 84 исплати, 42 од по 15.705 денари и 42 од по 42.000 денари.

Нешто помалку од 33.000 евра од Специјалното јавно обвинителство, добил и поранешниот директор на Бирото за јавна безбедност, Лазо Велковски. Во период од 3 години на неговата сметка на име хонорар од СЈО имал 71 исплата.

Реклама

Ќар од Обвинителството на Јанева имал и директорот на Финансовата полција, Арафат Муареми. За две години, преку 48 исплати добил нешто повеќе од 26.000 евра.

Својата финансиска среќа во Специјалното јавно обвинителство не ја пронајдоа само директорите од власта, туку и децата на дел од функционерите. Од таму „дебело“ се офајдил и Стојан Ангелески, син на судијката од Кичево, Мира Ангелеска. Тој во периодот од мај 2016-та до септември 2019-та низ 24 исплати добил 30.000 евра.

Речиси 20 илјади евра добила Берниса Рахиќ, ќерката на директорот на истражниот затвор Скопје и поранешен пратеник, Есад Рахиќ. Таа во период од октомври 2016-та до септември годинава, имала 35 пати прилив на својата сметка.

Нешто поскромна била ќерката на поранешниот директор на ЕЛЕМ Сашо Василевски. Марија Василевска, за 2 години, од мај 2017-та до септември 2019-та, добила 37 исплати од СЈО во вкупнен износ одф околу 14.000 евра.

На платниот список кај Јанева, може да се најде и името Давид Неделков, син на поранешната претседателка на Врховниот суд, Лидија Неделкова. Тој има слична заработувачка како и Василевска, добил нешто повеќе од 13 и пол илјади евра.

Од сметката на СЈО убаво се „офајдила“ и Катерина Тунџева, ќерка на директорот на Катастар, Борис Тунџев. На нејзината сметка легнале нешто повеќе од 20.000 евра.

Покрај обвинителката во СЈО, Елизабета Јосифоска, „дебели“ пари од таму земала и нејзината ќерка Елена Јосифоска. Таа за својот ангажман во Обвинителството преку 42 исплати, добила речиси 30.000 евра.

Сите податоци за исплатите на Специјалното јавно обвинителство, освен платите на обвинителите, се јавно достапни на платформата „Отворени финансии“, која Владата ја промовираше пред неколку дена.

Матеја Петровски