Градоначалникот на Општина Ѓорче Петров, Александар Стојкоски, на својот Фејсбук профил објави дека утринава му пристигнала информација дека има дојава за бомба во едно од основните училишта во Ѓорче Петров.
Утрово ми пристигна информација дека има дојава за бомба во едно основно училиште, објави Стојкоски
„Целосно и брзо е спроведен протоколот за безбедност и сите ученици се на безбедно во придружба на нивните учители.
Веднаш по пристигнатата информација разговарав со надлежните од МВР и превземени се сите безбедносни мерки. Одлична и брза реакција од страна на МВР по што продолжи наставата.
Апелирам за смиреност и почитување на сите безбедности протоколи. Во постојана комуникација сме со сите засегнати страни и надлежни институции“, наведува во објавата градоначалникот.
