Врз основа на потпишан Меморандум за соработка помеѓу АД ЕСМ и Технички факултет – Битола, компанијата и оваа година ќе додели 5 стипендии за студентите кои студираат на студиски програми од машинство, електроенергетски системи и обновливи извори на енергија, како и студенти што студираат мехатроника.
Право на учество имаат студентите кои имаат статус на редовен студент запишан на прв циклус студии по прв пат во прв или трет семестар во академската 2025/2026 година, просечната оценка на студентот да не е помала од 8.0 (осум) и студентот кој аплицира да не е корисник на стипендија или кредит од друга установа, институција или компанија.
Висината на стипендијата изнесува 8.000 денари месечно и ќе се доделува за времетраење од десет месеци годишно, со можност за продолжување или за прекин. Од Технички факултет-Битола потврдуваат дека аплицирањето е во тек и завршува на 25 мај.
Според востановената пракса, АД ЕСМ стипендии ќе додели и за студентите од Машински факултет-Скопје, Факултет за електротехника и информациски технологии-Скопје, како и за студентити од Факултетот за природни науки и Електротехничкиот факултет во Штип.
