🎥Стимулации за лозарите и промоција на домашните земјоделски производи во маркетите

Сезоната на гроздобер започнува во Македонија, а Минситерството за земјоделие се стреми да ја направи се подобра и за производителите и за откупувачите. Субвенции од 42 илјади денари на хектар се доделуваат на сите одгледувачи за подигање на нови насади, огромен акцент се стави на наводнувањето на лозите, а откупната цена е зголемена.

“Клучот во зголемување на површините не е секогаш клуч за успех за зголемување на квантитетот на производството. Сериозно  внимание посветивме на водостопанството односно навремено водоснабдување и количина за лозовите насади и очекуваме над 25% зголемен род во однос на минатата година а тоа ќе значи дека бербата ќе тежи негденад 100 милиони килограми. Апсолутно работиме и во подигање на новите насади и министерството преку мерки помага и субвенционира подигање на нови лозови насади и со самата исплата доволен стимулда ги зголемуваме површините и да работиме квантитетот.”- изјави Цветан Трипуновски, министерот за земјоделство, шумарство и водостопанство.

Министерството работи и на намалување на трошоците за производството на лозарите. Паралелно се работи на зголемување на добивката за производителите но и на пораст на инетересот на винариите за поголем откуп….

Зголемени се и извозните цени во земјоделството, што, според министерот Цветан Трипуновски, треба да биде доплнителна мотивација за производителите.

“Извозот на земјоделските производи од нашата држава има зголемени цени, тоа е успех на владата  и на министерството и е стимул за да се зголеми производството бидејќи повеќе пари ќе останат кај земјоделците. Инпутот односно трошоците се минимално покачени а излезните цени има сериозно зголемување што е добар показател и стремиме да биде рентабилна гранка и земјоделците да се во позитива.”- изјави министерот Трипуновски.

Министерството активно работи за подобрување на овој сектор. Со кампањата „Македонско најдобро“, домашните јаболка, домати и компири , ќе добијат своја „лична карта“ на полиците во маркетите. Со јасни и видливи ознаки ќе им помогнат на купувачите веднаш да ги разликуваат овие производи од увозните. Според министерот Трипуновски целта е да се подигне свеста кај потрошувачите за важноста од купувањето домашни земјоделски производи и преработки со што ќе се поддржат земјоделците и македонската економија.