На пеколни температури, среде топлотен бран, дел од Скопје повторно е без вода. Градоначалникот на општина Гази Баба, Бобан Стефковски, упати апел до Град Скопје и ЈП Водовод и канализација за итна интервенција поради недостигот на вода за пиење во населените места Црешево, Смилковци, Маџари, Железара, Автокоманда и Ченто.
Стефковски нагласи дека ваквата состојба е неприфатлива, особено во услови на високи температури, и најави поддршка за граѓаните во преземањето на демократски методи, вклучително и можни протести, ако проблемот не се реши веднаш.
