Започна реализацијата на два значајни прекугранични проекти финансирани од Европската Унија,вреден 1,6 милиони евра. Заедничката цел е да се поттикне локалниот развој и да се обезбедат подобри услови во различни сегменти од општествениот напредок на двете соседни земји Македонија и Албанија.Специфичниот меѓуграничен простор располага со богата природа, култура, традиција и голем, но се уште недоволно искористен потенцијал,истакна министерот за локална самоуправа Перински.
“Истовремено овај регион се соочува со сериозни предизвици како што се депопулацијата,недоволно развиена инфраструктура,ризици од природни катастрофи и влијанија врз животната средина.Токму затоа програмата е насочена кон два клучни проритети од кои едниот е заштитата на животната средина и подигнување на отпорноста на регионот преку јакнење на капацитетите за справување со ризици подобро управување со природните ресурси и упредена заштита на заштитените подрачја”– вели Златко Перински,министер за локална самоуправа
Ова значи побезбедни општини, поголема грижа за биодиверзитетот, зачувување на природното и културно наследство на двете земји.
“Имаме голема историја на меѓугранична соработка, во делот на заштитата на природните средини кои што се од витално значење за европската интеграција како и за меѓусебното развивање.Суштината на овие програми е токму тоа, солидарност, доверба и зајакнување на европскиот идентитет “-вели евроамбасадорот Михалис Рокас
Со пари од Европската унија Охрид конечно ќе добие брод амбуланта кој е од исклучително значење за туристичкиот центар.
“ Од особено значаење ќе биде набавката на брод амбуланта. Овој брод ќе овозможи брз, безбеден и квалитетен медицински транспорт преку езерото и поголема безбедност за сите жители и посетители на охридското крајбрежје. Исто така од особено значење се и активностите поврзани со Националниот парк Галичица, каде што ќе се воспостават нови „еко-патролни“ тимови кои ќе помогнат во спречување на нелегални активности, шумски пожари и несреќи.–вели Кирил Пецаков, градоначалник на Охрид
Оваа финансиска поддршка е особено значајна за една мала општина како Крушево која располага со оганичени финансиски и човечки ресурси. Ова вели градоначалникот на Крушево, отвора нови можности за економски развој и ја зголемува видливоста на регионот на меѓународната туристичка мапа.