Стармер: Договор за зајакнување на партнерството меѓу Велика Британија и ЕУ следната недела

Британскиот премиер Кир Стармер утре ќе ги пречека лидерите на ЕУ во Лондон на преговори за олеснување на трговијата со некои прехранбени производи, соопшти неговиот кабинет. Велика Британија ја напушти ЕУ во 2020-та година, но Стармер се обидува да ги зајакне врските со најголемиот трговски партнер на земјата, откако неговата Лабуристичка партија победи на минатогодишните избори. Самитот ќе резултира со договор што ќе ја подобри положбата на британските производители, кои се соочуваат со проверки на производите или не се во можност да извезуваат во Унијата, соопштија од кабинетот на Стармер. Како што велат оттаму, договорот ќе биде во национален интерес на земјата, добар за растот и за работните места.